Stefan Banach

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Stefan Banach
Información personal
Calendata de naixencia	30 de marzo de 1892
Puesto de naixencia	Cracovia
Calendata de muerte	31 d'agosto de 1947
Puesto de muerte	Lviv
Ocupación	Matematico

Stefan Banach ([,stɛfan 'banaɣ]; 30 de marzo de 1892 en Cracovia, Imperio Austrohongaro agora Polonia - † 31 d'agosto de 1945 en Lviv, Unión Sovietica - ocupato por Polonia), estió un matematico polaco, uno d'os destacatos d'a Lwów School of Mathematics en a Polonia previa a la guerra. Estió un autodidacta en matematicas; o suyo talento estió descubierto accidentalment por Juliusz Mien y posteriorment por Hugo Steinhaus.

Cuan a Segunda Guerra Mundial prencipió, Banach yera o president d'a Sociedat Matematica Polaca y profesor en a Universidat de Lviv. yera un miembro de l'Academia d'as Ciencias d'a Republica Socialista Sovietica d'Ucraína, y por atra parti teneba una buenas relacions con os matematicos sovieticos, y consiguió permaneixer en o suyo cargo a tamas d'a ocupación sovietica, dende 1939, d'a ciudat. Banach sobrevivió a posterior ocupación alemana dende chulio de 1941 dica febrero de 1944, ganando-se a vida alimentando un pegollo con a suya sangre t'o Instituto d'Investigación sobre o Tifus d'o profesor Rudolf Weigl. A suya salut empioró mientres a ocupación, y desembolicó un cáncer de polmón. Dezaga la guerra, Lviv s'incorporó a la Unión Sovietica, y Banach morió astí antis de que podese ser repatriato ta Cracovia, Polonia. Ye apedecato en o Fosal Lychakibskiy.